भागलपुर : 55 वर्ष पहिले शहर रो साहित्यकार आरु समाजसेवी सिनी ने ऐस्नो महसूस करलेकै कि होली मे जे हुड़दंग हो छै, होकरा से वातावरण अशांत होई छै. हेकरा वास्ते ही शहर रो लोग आरु दोसरा स्थानो र लोग ही कैन्हे नाय एक जगह पे स्वस्थ मनोरंजन आरु पारस्परिक सद्भावना क बढ़ावै लेली एक ऐस्नो मंच स्थापित करै र विचार होइले. हेकरा में कम से कम अंग क्षेत्र रो लोग एक छत रो नीचे आबी क साहित्य आरु संगीत रो प्रति रुझान पैदा करतै.
हरेक वर्गो आरु हरेक क्षेत्रो र लोगों के बीच बिना भेदभाव कै सद्भावना र एहसास करतै. जनकवि गोपाल सिंह नेपाली र प्रेरणा स ही मित्र वसंत गोष्ठी शुरू होइले. हुन्का स ही पहलो कार्यक्रम का उद्घाटन करवैलियै. तहिया से आय तक हय कार्यक्रम सफलतापूर्वक चली रहिलो छै.
