अंग-अंगिका ::: केंद्र सरकार केरॉे दुर्भाग्यपूर्ण फैसला

अंगिका डॉट कॉम आरोॅ फेसबुक पर एक समाचार आबी रेल्होॅ छै कि केंद्र सरकारेॅ अभी अंगिका आरोॅ और भोजपुरी के संविधान के अष्टम अनुसूची में शामिल नै करवै. जेॉ ई बात सच छेकै, ते ई समुचेॅ में दुर्भाग्यपूर्ण राजनीतिक फैसला छेकै. कभी प्रसिद्ध गॉधीवादी डॉ रामजी सिंह और वर्तमान सुलतानगंज विधायक सुबोध राय नेॅ संसद में अंगिका केॅ सवाल उठैनेॅ छेलै. आरोॅ पूर्व सांसद शाहनवाज हुसैन नेॅ दू-दू बार सवाल उठैने छेलै. शाहनवाज ने अंग प्रदेश से ई वादा करलेॅ छेलै कि हम्मेॅ संविधान के अष्टम अनूसूची में अंगिका शामिल करवाय केॅ रहभै. लेकिन आबै इ स्थिति छै कि मोदी सरकार ई कहै छै कि हम्में अंगिका के अष्टम अनूसूची में शामिल नै करेॅ पारौॅ. ई कत्ता दुर्भाग्यपूर्ण फैसला छेकै. अंगिका बिहार आरोॅ झारखंड में खूब बोलो जायेवाला भाषा छेकै. फेनू चार करोड़ लोगोॅ के जनभाषा भी छेकै. अंगिका के उपेक्षा ठीक बात नै. अंगिका भाषी केॅ बिना कोय कारण के दंडित नै करलोॅ जाय. बिहार के नीतिश सरकार केॅ चाहियोॅ कि ई मुद्दा पे ध्यान दे के अंगिका के समुचित सम्मान दिलवावै के दिशा में प्रयास हुए. ताकि अंग प्रदेश केॅ संस्कृति केॅ सम्मान आरोॅ प्रतिष्ठा बचेॅ पारेॅ.डॉ आभा पूर्वेविभागाध्यक्ष- बीएडसुंदरवती महिला महाविद्यालय.भागलपुर