भागलपुर : नगर निगम में पिछले 10 दिनों से सफाई कर्मियों की चल रही हड़ताल को बिहार प्रदेश छात्र संघर्ष समिति के संयोजक डॉ अजीत कुमार सोनू ने समर्थन किया है. उन्होंने नगर आयुक्त से मांग की है कि सफाई कर्मियों की इपीएफ मद में काटी गयी राशि अविलंब उपलब्ध कराया जाये.
साधारण में असाधारण छेलात बापू आरो शास्त्री
प्रो बहादुर मिश्र
भारतीय जीवन में दू अक्तूबर विशिष्ट स्थान राखै छै. ई वहेॅ तिथि छिकै, जबेॅ एक्के दिन दू महापुरुषोॅ के जनम होलोॅ छलै-पैहलोॅ, महात्मा गांधी आरो दोसरोॅ, लाल बहादुर शास्त्री. एक भारत के राष्ट्रपिता कहलैलकै त दोसरोॅ आजाद भारत के दोसरोॅ प्रधानमंत्री. एक स्वाधीनता-संग्राम के महानायक त दोसरोॅ निष्ठावान सेनानी.
गांधी के जनम गुजरात के पोरबंदर में 1869 में होलोॅ छलै त शास्त्री के जनम उत्तरप्रदेश के मुगलसराय में 1904 में. दून्हू भारत माता के सच्चा सपूत. एकें सत्य केॅ साध्य आरो अहिंसा केॅ साधन मानी केॅ जीवन-यात्रा संपन्न करलकै त दोसरें सच्चाई, सादगी आरो स्वाभिमान केॅ जीवन के पाथेय बनैलकै.
एकें नारा देलकै-अंगरेजो! भारत छोड़ो. फौरन से पेशतर त दोसरें ‘जय जवान! जय किसान!’ के मंत्र सिखैलकै. परंपरा आरो प्रयोग के मीलित रूप गांधी आरो शास्त्री के जीवन अद्भुत प्रयोगशाला छलै. दून्हू के कथनी-करनी में एकात्म भाव. बापू अहिंसा के सर्वाधिक प्रभावशाली योद्धा छलै त शास्त्री विनम्रता सिक्त साहस, सादगी आरो स्वाभिमान के प्रतीक. दून्हू साधारण में असाधारण. दून्हू के मौत असामान्य परिस्थिति में भेलै.
आय जबेॅ दुनिया में चारो तरफ युद्ध, तनाव, आतंक आरो अविश्वास के माहौल बनलोॅ छै, तबेॅ बरबस याद आवै छै-गांधी आरो शास्त्री. पाकिस्तान भारत सें चौथोॅ लड़ाय के तैयारी करी रहलोॅ छै, एना में याद आबै छै 1965 – युद्ध के नायक लाल बहादुर शास्त्री आरो हुनकर प्रेरणादायी नारा ‘जय जवान! जय किसान.’
लेखक तिलकामांझी भागलपुर विश्वविद्यालय के पीजी अंगिका विभाग के वरीय शिक्षक हैं.
