जाम से निजात दिलवैये एसपी साहब

नोट : अंगिका वाली कॉलम के लिए. तसवीर डॉ डीपी सिंह अंगिका कॉलम के लिए वरीय संवाददाता भागलपुर : अंग जनपद के तरफ से प्रभात खबर के साधुवाद, कि हमरा सिनी के पहल पर अंगिका कॉलम के शुरुआत करलकैय. हमरो कहना छैय कि शहर में रोज-रोज लगै वला जाम से एसपी, डीएम, अरू कमिश्नर साहब मुक्ति दिलाय दियेअ. विक्रमशिला पुल पर रोजे दिन बीस हजार से बेसी ट्रक आवै-जाय छैय. जबकि पुल के एत्ता क्षमता भी नैय छैय. भोरे सुती के उठो नैय कि स्टेशन से लैय करी के पटल बाबू रोड होलो कचहरी चौक तक ट्रको के लंबा लाइन लागलो रहे छैय. बच्चा-बुतरू के स्कूल पहुंचावे में जे दिक्कत होय छैय कि, की बतैइयों. स्कूलों में छुट्टी होला के बाद घर लाने में वहा रंग परेशानी होय छैय. बच्चा सिनी भूख-प्यास से छटपटावे लगै छैय. स्टेशन से लैय करि क कचहरी चौक तक फुटपाथ बनावै वास्ते हमरा सिनी प्रमंडलीय आयुक्त से मांग भी करले रहिए , लेकिन अभी तक त कुच्छो नैय होले. जाम करे में रिक्शा, टेंपो से बेसी मोटरसाइकिल वाला के दोष छैय. जाम में जरा सी देर नैय होय छैय कि हुर-हुर करी के गाड़ी घुसाय दैय छैय, जेकरा से आरू जाम लगी जाय छैय. शहर में चले वास्ता अगर साइकिल से लोग चले लागे न तो जाम भी नैय लागते अरू पर्यावरण भी ठीक रहतैय. ऐकरा वास्ता आम आदमी अरू पुलिस-प्रशासन दोनों के सोचे के चाहियो. डॉ डीपी सिंह, टीबी एवं चेस्ट रोग विशेषज्ञ